Kya Kar Rahe Ho Zulm Karo Rah Rah Ka
kya kar rahe ho zulm karo rah rah ka
kahte hain be-jigar hai baDa tir aah ka
yun raungTe larazte hain puchhenge roz-e-hashr
kyun ek din bhi KHauf na aaya gunah ka
haalat pe meri un ke bhi aansu nikal paDe
dekha gaya na yas mein aalam nigah ka
kisra ka taq kabe ke but munh ke bal gire
shohra suna jo ashhado-an-la-ilah ka
'shair' ajib rang se guzri hai apni umr
duniya mein nam bhi na suna KHair-KHwah ka
Agha Shayar Qazalbash 
(828) Peoples Rate This