Wo Meri Jurat-e-kamyab Se Na-waqif Hain

wo meri jurat-e-kamyab se na-waqif hain

han wahi log jo girdab se na-waqif hain

aisi raaten ki jinhen nind ki lazzat na mili

aisi aanhken jo abhi KHwab se na-waqif hain

meri kam-goi pe jo tanz kiya karte hain

meri kam-goi ke asbab se na-waqif hain

un se kya kije tawaqqoa wo hain nau-warid-e-dasht

dasht-e-wahshat ke jo aadab se na-waqif hain

wo jo be-gana-e-tahzib-o-tamaddun hain wo log

mahfilon ke adab-adab se na-waqif hain

(740) Peoples Rate This

Your Thoughts and Comments

Wo Meri Jurat-e-kamyab Se Na-waqif Hain In English By Famous Poet Ahmad Ashfaq. Wo Meri Jurat-e-kamyab Se Na-waqif Hain is written by Ahmad Ashfaq. Read famous Poem Wo Meri Jurat-e-kamyab Se Na-waqif Hain for youth and Student by Ahmad Ashfaq. Free Download Wo Meri Jurat-e-kamyab Se Na-waqif Hain in PDF.