Tum Jo Aa Jao Gham Dhuan Ho Jae

tum jo aa jao gham dhuan ho jae

bazm-e-jaan rashk-e-asman ho jae

TuT jata hai dam mohabbat ka

bad-gumani agar jawan ho jae

haal o mazi ki sarhaden aisi

zindagi pal mein raftagan ho jae

saf suthra muamla rakhiye

us se pahle azab-e-jaan ho jae

chiKH uThta hai dafatan kirdar

jab koi shaKHs bad-guman ho jae

lazmi hain wazahaten 'ashfaq'

jab koi dost bad-guman ho jae

(895) Peoples Rate This

Your Thoughts and Comments

Tum Jo Aa Jao Gham Dhuan Ho Jae In English By Famous Poet Ahmad Ashfaq. Tum Jo Aa Jao Gham Dhuan Ho Jae is written by Ahmad Ashfaq. Read famous Poem Tum Jo Aa Jao Gham Dhuan Ho Jae for youth and Student by Ahmad Ashfaq. Free Download Tum Jo Aa Jao Gham Dhuan Ho Jae in PDF.