KHizan Ke Aate Aate

mere pas

bahut sare KHwab

aur bahut sare seb hain

ek afrudeti ke liye

ek saifu ke liye

aur ek apna kozi ko dawa ke liye

jis ne aaine ke samne

apni chhatiyon ka

tennis ki gend

ya dharti se

muwazana nahin kiya hoga

mere tamam KHwab

un ke liye

jin ke aansuon se meri nazmen banin

meri mahbuba ke liye

mere pas na koi KHwab hai

aur na seb

KHizan ke aate aate

main us daraKHt ke sae se

uTh kar chala jaunga

jahan KHwab aur seb

ugte hain