Dil-girafta Hi Sahi Bazm Saja Li Jae
dil-girafta hi sahi bazm saja li jae
yaad-e-jaanan se koi sham na KHali jae
rafta rafta yahi zindan mein badal jate hain
ab kisi shahr ki buniyaad na Dali jae
mushaf-e-ruKH hai kisi ka ki bayaz-e-hafiz
aise chehre se kabhi fal nikali jae
wo murawwat se mila hai to jhuka dun gardan
mere dushman ka koi war na KHali jae
be-nawa shahr ka saya hai mere dil pe 'faraaz'
kis tarah se meri aashufta-KHayali jae
Ahmad Faraz 
(3624) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544