Guman Yahi Hai Ki Dil KHud Udhar Ko Jata Hai

guman yahi hai ki dil KHud udhar ko jata hai

so shak ka faeda us ki nazar ko jata hai

haden wafa ki bhi aaKHir hawas se milti hain

ye rasta bhi idhar se udhar ko jata hai

ye dil ka dard to umron ka rog hai pyare

so jae bhi to pahar do pahar ko jata hai

ye haal hai ki kai raste hain pesh-e-nazar

magar KHayal teri rah-guzar ko jata hai

tu 'anwari' hai na 'ghaalib' to phir ye kyun hai 'faraaz'

har ek sail-e-bala tere ghar ko jata hai

(2054) Peoples Rate This

Your Thoughts and Comments

Guman Yahi Hai Ki Dil KHud Udhar Ko Jata Hai In English By Famous Poet Ahmad Faraz. Guman Yahi Hai Ki Dil KHud Udhar Ko Jata Hai is written by Ahmad Faraz. Read famous Poem Guman Yahi Hai Ki Dil KHud Udhar Ko Jata Hai for youth and Student by Ahmad Faraz. Free Download Guman Yahi Hai Ki Dil KHud Udhar Ko Jata Hai in PDF.