Har Aashna Mein Kahan KHu-e-mehrmana Wo
har aashna mein kahan KHu-e-mehrmana wo
ki bewafa tha magar dost tha purana wo
pukarte hain mah-o-sal manzilon ki tarah
laga hai tausn-e-hasti ko taziyana wo
hamein bhi gham-talabi ka nahin raha yara
tere bhi rang nahin gardish-e-zamana wo
ab apni KHwahishen kya kya use rulati hain
ye baat hum ne kahi thi magar na mana wo
yahi kahenge ki bas surat-ashnai thi
jo ahd TuT chuka yaad kya dilana wo
is ek shakl mein kya kya na suraten dekhin
nigar tha nazar aaya nigar-KHana wo
bujha diya hai tujhe bhi 'faraaz' duniya ne
kahan gaya tera har waqt muskurana wo
Ahmad Faraz 
(2061) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544