Jab Bhi Dil Khol Ke Roe Honge
jab bhi dil khol ke roe honge
log aaram se soe honge
baz auqat ba-majburi-e-dil
hum to kya aap bhi roe honge
subh tak dast-e-saba ne kya kya
phul kanTon mein piroe honge
wo safine jinhen tufan na mile
na-KHudaon ne Duboe honge
raat bhar hanste hue taron ne
un ke aariz bhi bhigoe honge
kya ajab hai wo mile bhi hon 'faraaz'
hum kisi dhyan mein khoe honge
Ahmad Faraz 
(2852) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544