Na Sah Saka Jab Masafaton Ke Azab Sare
na sah saka jab masafaton ke azab sare
to kar gae kuch meri aankhon se KHwab sare
bayaz-e-dil par ghazal ki surat raqam kiye hain
tere karam bhi tere sitam bhi hisab sare
bahaar aai hai tum bhi aao idhar se guzro
ki dekhna chahte hain tum ko gulab sare
ye saneha hai ki waizon se ulajh paDe hum
ye waqia hai ki pi rahe the sharab sare
bhala hua hum gunahgaron ne zid nahin ki
sameT kar le gaya hai naseh sawab sare
'faraaz' kis ne mere muqaddar mein likh diye hain
bas ek dariya ki dosti mein sarab sare
Ahmad Faraz 
(2674) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544