Saqiya Ek Nazar Jam Se Pahle Pahle
saqiya ek nazar jam se pahle pahle
hum ko jaana hai kahin sham se pahle pahle
nau-giraftar-e-wafa sai-e-rihai hai abas
hum bhi uljhe the bahut dam se pahle pahle
KHush ho ai dil ki mohabbat to nibha di tu ne
log ujaD jate hain anjam se pahle pahle
ab tere zikr pe hum baat badal dete hain
kitni raghbat thi tere nam se pahle pahle
samne umr paDi hai shab-e-tanhai ki
wo mujhe chhoD gaya sham se pahle pahle
kitna achchha tha ki hum bhi jiya karte the 'faraaz'
ghair-maruf se gumnam se pahle pahle
Ahmad Faraz 
(3311) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544