Safed ChhaDiyan
janam ka andha
jo soch aur sach ke raston par
kabhi kabhi koi KHwab dekhe
to KHwab mein bhi
azab dekhe
ye shahrah-e-hayat jis par
hazar-ha qafile rawan hain
sabhi ki aankhen
har ek ka dil
sabhi ke raste
sabhi ki manzil
isi hujum-e-kashan-kashan mein
tamam chehron ki dastan mein
na nam mera
na zat meri
mera qabila
safed chhaDiyan
Ahmad Faraz 
(1956) Peoples Rate This