Abad

maut kis rah par khaDi meri rah dekh rahi hai

abhi abhi main ne hawa ki an dekhi chadar mein suraKH kiya hai

aur bahut upar ke baadalon ko chhalni kar diya hai

zamin bhar ki wo sari miTTi

jo an-ginat dafn hone walon

ki kimiya se bani hai

aur chaaron dishaon mein

an-ginat badan jalon ki chitaon ki jo rakh bani hai

kahan le jaegi mujhe

main to ab wo hun hi nahin jo kabhi hua karta tha

ab na to mein kabhi sota hun aur na kabhi jagta hun

main na panw chalta hun na main qadam-sakin hun

maut mere panw ke bina chal sakti hai

maut mere qadam ke bina sakin ho sakti hai

ab ghilaf-e-zindagi ki koi bhi ek parat rah gai ho

to use zindagi se haTa diya jae

jab uqab unchi uDan par ho

to us ki aankh mein koi sui chubhoi nahin ja sakti

maut ne mujhe uqab bana diya hai

ya shayad mujhe kisi farishte mein tabdil kar diya hai

ab mujhe zamin par ya zamin ki fuzul duniya ki sath par DhunDa na jae

main ab kisi ki dastaras mein nahin ho

(786) Peoples Rate This

Your Thoughts and Comments

Abad In English By Famous Poet Ahmad Hamesh. Abad is written by Ahmad Hamesh. Read famous Poem Abad for youth and Student by Ahmad Hamesh. Free Download Abad in PDF.