Agar Hon Goya To Phir Be-takan Bolte Hain
agar hon goya to phir be-takan bolte hain
magar ye log lahu ki zaban bolte hain
zamin jo panw ke niche hai us ka malik hun
pe mere nam pe kitne lagan bolte hain
chhupa na qatl mera ehtiyat ke ba-wasf
jo us ne chhoDe nahin wo nishan bolte hain
zamin pe jab koi mazlum aah bharta hai
sitare TuTte hain aasman bolte hain
chhupae chhupte nahin hadse jo guzre hon
makin chup hon to 'ahmad' makan bolte hain
Ahmad Husain Mujahid 
(651) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544