Hun Ki Jab Tak Hai Kisi Ne Motabar Rakkha Hua

hun ki jab tak hai kisi ne mo'tabar rakkha hua

warna wo hai bandh kar raKHt-e-safar rakkha hua

mujh ko mere sab shahidon ke taqaddus ki qasam

ek tana hai mujhe shanon pe sar rakkha hua

mere bojhal panw ghunghru bandh kar halke hue

sochne se kya nikalta dil mein Dar rakkha hua

ek nai manzil ki dhun mein dafatan sarka liya

us ne apna panw mere panw par rakkha hua

tu hi duniya ko samajh parwarda-e-duniya hai tu

main yunhi achchha hun sab se be-KHabar rakkha hua