Aansu Ki Tarah Dida-e-pur-ab Mein Rahna
aansu ki tarah dida-e-pur-ab mein rahna
har gam mujhe KHana-e-sailab mein rahna
wo abru-e-KHamdar nazar aae to samjhe
aankhon ki tarah saya-e-mehrab mein rahna
ghaflat hi mein kaTte hain shab-o-roz hamare
har aan kisi dhyan kisi KHwab mein rahna
din bhar kisi diwar ke sae mein tag-o-taz
shab justuju-e-chadar-e-mahtab mein rahna
virana-e-duniya mein guzarte hain mere din
raaton ko rawaq-e-dil-e-betab mein rahna
miTTi to har ek haal mein miTTi hi rahegi
kya TaT mein kya qaqum o sanjab mein rahna
ghar aur bayaban mein koi farq nahin hai
lazim hai magar ishq ke aadab mein rahna
ek pal ko bhi aankhen na lagin KHana-e-dil mein
har lamha nigahbani-e-asbab mein rahna
Ahmad Javed 
(1128) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544