Barish Ka Hai Aisa Kal
barish ka hai aisa kal
sukhe paDe hain dil ke tal
ye hi mere dukh sukh hain
kapDa latta aaTa dal
dilli ka taKHta ulTa
dil ki jami hai magar chaupal
aainda ki fikr na kar
warna dekh le mera haal
aansu pina gham khana
kafi hai ye rizq-e-halal
duniya aur duniya ki chah
jhuTa dariya naqli jal
dil ka guzara kaise ho
sare yar hue kangal
jiwan nanga parbat hai
kaThin chaDhai beDhab Dhaal
aag se yari mat karna
aise dil ko bhaD mein Dal
miTTi ko parwa hi nahin
kis ka chand hai kis ka lal
Ahmad Javed 
(1119) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544