Dariya Mein Dasht Dasht Mein Dariya Sarab Hai
dariya mein dasht dasht mein dariya sarab hai
is puri kaenat mein kitna sarab hai
rozana ek faqir lagata hai ye sada
duniya sarab hai are duniya sarab hai
musa ne ek KHwab-e-haqiqat bana diya
waise to gahre pani mein rasta sarab hai
puri tarah se hath mein aaya nahin kabhi
wo husn-e-be-misal bhi aadha sarab hai
khulta nahin hai ret hai pani ki aur kuchh
meri nazar ke samne pahla sarab hai
suraj ki tez dhup mein dhoka har ek shai
kali ghaTa si raat mein saya sarab hai
Ahmad Khayal 
(929) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544