Dasht Mein Wadi-e-shadab Ko Chhu Kar Aaya

dasht mein wadi-e-shadab ko chhu kar aaya

main khuli-ankh hasin KHwab ko chhu kar aaya

us ko chhu kar mujhe mahsus hua hai aise

jaise main resham-o-kim-KHwab ko chhu kar aaya

mujh ko malum hai poron ke damakne ka jawaz

raat main KHwab mein mahtab ko chhu kar aaya

jism ke sath meri ruh bhi nam hone lagi

jab se us dida-e-pur-ab ko chhu kar aaya

ruh ki kai isi taur se chhaTna thi so main

subh-dam mimbar-o-mehrab ko chhu kar aaya

murtaish kirnon ka raqs ek ghaDi bhi na thame

chand kis tarz ke talab ko chhu kar aaya

(503) Peoples Rate This

Your Thoughts and Comments

Dasht Mein Wadi-e-shadab Ko Chhu Kar Aaya In English By Famous Poet Ahmad Khayal. Dasht Mein Wadi-e-shadab Ko Chhu Kar Aaya is written by Ahmad Khayal. Read famous Poem Dasht Mein Wadi-e-shadab Ko Chhu Kar Aaya for youth and Student by Ahmad Khayal. Free Download Dasht Mein Wadi-e-shadab Ko Chhu Kar Aaya in PDF.