Dast-baston Ko Ishaara Bhi To Ho Sakta Hai
dast-baston ko ishaara bhi to ho sakta hai
ab wahi shaKHs hamara bhi to ho sakta hai
main ye aise hi nahin chhan raha hun ab tak
KHak mein koi sitara bhi to ho sakta hai
ain mumkin hai ki binai mujhe dhoka de
ye jo shabnam hai sharara bhi to ho sakta hai
is mohabbat mein har ek shai bhi to luT sakti hai
is mohabbat mein KHasara bhi to ho sakta hai
gar hai sanson ka tasalsul meri qismat mein 'KHayal'
phir ye girdab kinara bhi to ho sakta hai
Ahmad Khayal 
(853) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544