Falak Ke Rang Zamin Par Utarta Hua Main
falak ke rang zamin par utarta hua main
tamam KHalq ko hairat se marta hua main
do chaar sans mein jita hun ek arse tak
zara se waqt mein sadiyan guzarta hua main
jo mere samne hai aur dil-o-dimagh mein bhi
chahaar-samt usi ko pukarta hua main
mere nuqush pe kari-gari ruki hui hai
shikasta chaak se KHud ko utarta hua main
tumhaari jit mein pinhan hai meri jit kahin
tumhaare samne har bar haarta hua main
Ahmad Khayal 
(702) Peoples Rate This