Main Band Aankhon Se Kab Talak Ye Ghubar Dekhun
main band aankhon se kab talak ye ghubar dekhun
koi to manzar siyah dariya ke par dekhun
kabhi wo aalam ki us taraf aankh hi na uTThe
kabhi ye haalat ki us ko diwana-war dekhun
ye kaisa KHun hai ki bah raha hai na jam raha hai
ye rang dekhun ki dil jigar ka fishaar dekhun
ye sari be-manzari sawad-e-sukut se hai
sada wo chamke to dhund ke aar-par dekhun
tere siwa bhi hazar manzar hain dekhne ko
tujhe na dekhun to kyun tera intizar dekhun
Ahmad Mahfuz 
(770) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544