Kaise Unhen Bhulaun Mohabbat Jinhon Ne Ki
kaise unhen bhulaun mohabbat jinhon ne ki
mujh ko to wo bhi yaad hain nafrat jinhon ne ki
duniya mein ehtiram ke qabil wo log hain
ai zillat-e-wafa teri izzat jinhon ne ki
tazin-e-kaenat ka bais wahi bane
duniya se iKHtilaf ki jurat jinhon ne ki
aasudgan-e-manzil-e-laila udas hain
achchhe rahe, na tai ye masafat jinhon ne ki
ahl-e-hawas to KHair hawas mein hue zalil
wo bhi hue KHarab, mohabbat jinhon ne ki
Ahmad Mushtaq 
(1103) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544