KHwab Ke Phulon Ki Tabiren Kahani Ho Gain
KHwab ke phulon ki tabiren kahani ho gain
KHun ThanDa paD gaya aankhen purani ho gain
jis ka chehra tha chamakte mausamon ki aarzu
us ki taswiren bhi auraq-e-KHizani ho gain
dil bhar aaya kaghaz-e-KHali ki surat dekh kar
jin ko likhna tha wo sab baaten zabani ho gain
jo muqaddar tha use to rokna bas mein na tha
un ka kya karte jo baaten na-gahani ho gain
rah gaya 'mushtaq' dil mein rang-e-yaad-e-raftagan
phul mahnge ho gae qabren purani ho gain
Ahmad Mushtaq 
(1028) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544