Malal-e-dil Se Ilaj-e-gham-e-zamana Kiya
malal-e-dil se ilaj-e-gham-e-zamana kiya
ziya-e-mehr se raushan charagh-e-KHana kiya
sahar hui to wo aae laTon ko chhaTkate
zara KHayal-e-pareshani-e-saba na kiya
hazar shukr ki hum maslahat-shanas na the
ki hum ne jis se kiya ishq walehana kiya
wo jis ke lutf mein beganagi bhi shamil thi
usi ne aaj guzar dil se mahramana kiya
wo bazm-e-harf ho ya mahfil-e-sama-e-KHayal
jahan bhi wajd kiya hum ne be-tarana kiya
Ahmad Mushtaq 
(875) Peoples Rate This