Monis-e-dil Koi Naghma Koi Tahrir Nahin
monis-e-dil koi naghma koi tahrir nahin
harf mein ras nahin aawaz mein tasir nahin
aa hi jata hai ujaDti hui duniya ka KHayal
bawar aaya ki tera dard hama-gir nahin
hijr ek waqfa-e-bedar hai do nindon mein
wasl ek KHwab hai jis ki koi tabir nahin
mere atraf ye zanjir-r-alaeq kaisi
zindagi jurm sahi qabil-e-tazir nahin
kis tarah paen is afsurda-mizaji se najat
hamdamo ham-suKHano kya koi tadbir nahin
Ahmad Mushtaq 
(929) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544