Jaane Kahan The Aur Chale The Kahan Se Hum

jaane kahan the aur chale the kahan se hum

bedar ho gae kisi KHwab-e-giran se hum

ai nau-bahaar-e-naz teri nikhaton ki KHair

daman jhaTak ke nikle tere gulsitan se hum

pindar-e-ashiqi ki amanat hai aah-e-sard

ye tir aaj chhoD rahe hain kaman se hum

aao ghubar-e-rah mein DhunDen shamim-e-naz

aao KHabar bahaar ki puchhen KHizan se hum

aaKHir dua karen bhi to kis muddaa ke sath

kaise zamin ki baat kahen aasman se hum