Git
raat din silsila-e-umr-e-rawan ki kaDiyan
kal jahan ruh jhulas jati thi
apne sae se bhi aanch aati thi
aaj usi dasht pe sawan ki lagi hain jhaDiyan
raat din silsila-e-umr-e-rawan ki kaDiyan
shab ko jo wadiyan sunsan rahin
subh yun os se aarasta thin
har taraf motiyon ki jaise tani hui laDiyan
raat din silsila-e-umr-e-rawan ki kaDiyan
toD kar panw na baiTho aao!
subh ke aur qarib aa jao!
yun to har haal mein kaTti hi rahengi ghaDiyan
raat din silsila-e-umr-e-rawan ki kaDiyan
Ahmad Nadeem Qasmi 
(1021) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544