Junun Ki Rasm Zamane Mein Aam Ho Na Saki

junun ki rasm zamane mein aam ho na saki

hawas thi chah wafa ki ghulam ho na saki

likhe the dar-o-rasan jis kisi ki qismat mein

phir us ki zulf ke sae mein sham ho na saki

meri udasi ka bais shab-e-firaq nahin

basar ye raat ba-sad-ehtimam ho na saki

meri nigah uThi hi rahi su-e-jaanan

tajalliyon mein ghiri ham-kalam ho na saki

rawa jahan ko ki majnun ko sangsar kare

qaba-e-zist junun ki niyam ho na saki

KHirad ki baat bhi sunte kahan mili fursat

junun ki baat lahad tak tamam ho na saki