Kuchh Shafaq Dubte Suraj Ki Bacha Li Jae

kuchh shafaq Dubte suraj ki bacha li jae

rang-e-imkan se koi shakl bana li jae

harf mohmal sa koi hath pe us ke rakh do

qahat kaisa hai ki har sans sawali jae

shahr-e-malbus mein kyun itna barhana rahiye

koi chhat ya koi diwar-e-KHayali jae

sath ho leta hai har sham wahi sannaTa

ghar ko jaane ki nai rah nikali jae

phenk aankhon ko kisi jhil ki gahrai mein

but koi soch ki aawara KHayali jae

tishna-e-zaKHm na rahne de badan ko 'ahmad'

aisi talwar sar-e-shahr uchhaali jae

(2487) Peoples Rate This

Your Thoughts and Comments

Kuchh Shafaq Dubte Suraj Ki Bacha Li Jae In English By Famous Poet Ahmad Shanas. Kuchh Shafaq Dubte Suraj Ki Bacha Li Jae is written by Ahmad Shanas. Read famous Poem Kuchh Shafaq Dubte Suraj Ki Bacha Li Jae for youth and Student by Ahmad Shanas. Free Download Kuchh Shafaq Dubte Suraj Ki Bacha Li Jae in PDF.