Kya Pata Kis Jurm Ki Kis Ko Saza Deta Hun Main

kya pata kis jurm ki kis ko saza deta hun main

rang sa ek bandhta hun phir bhula deta hun main

apne aage ab to main KHud bhi Thahar sakta nahin

samna hote hi chuTki mein uDa deta hun main

moajiza agla to ab shayad purana ho chala

dekhna ab ke koi chakkar naya deta hun main

mujh se aage bhi nikal jaana bahut mushkil nahin

aaj-kal aahista-rau hun rasta deta hun main

shor sa uThta hai aur uThte hi dab jata hai ab

harf sa likhne se pahle hi miTa deta hun main

taki meri sulh-jui ko lage kuchh bhaw bhi

har nae fitne ko dar-parda hawa deta hun main

baat bhi sunta nahin hun wasl mein dil ki 'zafar'

aise KHar-maston ko mahfil se uTha deta hun main

(766) Peoples Rate This

Your Thoughts and Comments

Kya Pata Kis Jurm Ki Kis Ko Saza Deta Hun Main In English By Famous Poet Ahmad Zafar. Kya Pata Kis Jurm Ki Kis Ko Saza Deta Hun Main is written by Ahmad Zafar. Read famous Poem Kya Pata Kis Jurm Ki Kis Ko Saza Deta Hun Main for youth and Student by Ahmad Zafar. Free Download Kya Pata Kis Jurm Ki Kis Ko Saza Deta Hun Main in PDF.