Tere Pas Rah Kar Sanwar Jaunga Main
tere pas rah kar sanwar jaunga main
juda ho ke tujh se bikhar jaunga main
zara sochne de main uThne se pahle
tere dar se uTh kar kidhar jaunga main
tere sath jine ki ummid lekin
tera sath na ho to mar jaunga main
tere pyar ke sae mein chand lamhe
zara ji to lun phir guzar jaunga main
simaT kar hi rahne de aanchal se tere
tu jhuTlae to chashm-e-tar jaunga main
na hargiz chalunga kisi rahguzar se
tu roke agar to Thahar jaunga main
tere pyar mein zaKHm kha kha ke ek din
ki aaghosh-e-gham mein utar jaunga main
'nisar' ishq ki aag mein jal raha hun
pata hai ki ek din nikhar jaunga main
Ahmed Nisar 
(1143) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544