Ilaj-e-hasrat-e-dil-gir Kar Raha Hun Main
ilaj-e-hasrat-e-dil-gir kar raha hun main
muqaddaraat ki tamir kar raha hun main
tasawwuraat ki kirchen sameT kar ek ek
burida KHwab ki tafsir kar raha hun main
ki gundh kar mah-e-taban ki zau-fishan kirnen
ilaj-e-zulmat-e-be-pir kar raha hun main
jaga ke fahm ki lau zehn ke darichon mein
nae nizam ko tahrir kar raha hun main
ye azm hai ki badal dun main baKHt ka chehra
ba-sad KHulus ye tadbir kar raha hun main
hasin raat kiran chand ki hina ki mahak
mila ke ab teri taswir kar raha hun main
Ahsan Lakhnavi 
(686) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544