Raat Ek Hadsa Hua Mujh Mein
raat ek hadsa hua mujh mein
ek darwaza sa khula mujh mein
mere andar charagh jalte hain
raqs karti hai ek hawa mujh mein
phir se aakar le raha hai kahin
ek chehra naya naya mujh mein
mujh ko ye kaam KHud hi karna tha
umr bhar kaun jagta mujh mein
ab bhi sina jala raha hai mera
ek suraj bujha hua mujh mein
jaane wo kaun hai jo rahta hai
sahma sahma Dara Dara mujh mein
Ain Irfan 
(707) Peoples Rate This