Wahi Junun Ki SoKHta-jaani Wahi Fusun Afsanon Ka
wahi junun ki soKHta-jaani wahi fusun afsanon ka
uDa uDa sa bujha bujha sa rang wahi diwanon ka
dariya to manus hai ashk-lahu ki KHud-sar maujon se
dasht tujhe malum hai sara qissa in hairanon ka
chahat-bhar ummid rakhi hai aur raston-bhar pa-mardi
durweshon ke chaal-chalan mein rang hai sab sultanon ka
abhi nahin to aainda hum KHak uDane aaenge
kaun sa kaam ruka jata hai faqiron be-samanon ka
tu jo is duniya ki KHatir apna-ap ganwata hai
ai dil-e-man ai mere musafir kaam hai ye na-danon ka
Ain Tabish 
(783) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544