Zehn Par Jab Dard KHamoshi Ki Chadar Tanta Hai
zehn par jab dard KHamoshi ki chadar tanta hai
qatra qatra aankh se lafz-o-maani chhanta hai
har kas-o-na-kas ko ras aati nahin aawaragardi
raste us par hi khulte hain jo chalna jaanta hai
naqsh-e-parina haTa kar main nae paikar tarashun
kuza-gar kankar haTa kar jaise miTTi santa hai
wo hai diwana use gumnami o tashhir se kya
KHamushi se kar guzarta hai jo dil mein Thanta hai
kor-chashmi ne bikhera husn ka shiraaza warna
ishtihaari jism bhi poshidgi ko manta hai
ye sila bhi kam nahin 'azim' teri mashq-e-suKHan ka
koi ghazlon ke hawale se tujhe pahchanta hai
Ainuddin Azim 
(1158) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544