Guzre Jidhar Se Nur Bikhere Chale Gae
guzre jidhar se nur bikhere chale gae
wo ham-safar hue to andhere chale gae
ab main hun aur shiddat-e-gham ki hai tez dhup
un gesuon ke sae ghanere chale gae
mere tafakkuraat ko Dasti rahi thi jo
nagin chali gai wo sapere chale gae
ummid ke shajar pe wo halchal nahin rahi
chiDiyan gain to rain basere chale gae
andhe safar ko ghar se main nikla tha dosto
aai jab un ki yaad andhere chale gae
aatish ne mere ghar ko jalaya to kya hua
kuchh der ke liye to andhere chale gae
'hasrat' main be-qarar hun luTne ke waste
jaane kahan hasin luTere chale gae
Ajeet Singh Hasrat 
(1005) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544