Dukhe Dilon Pe Jo PaD Jae Wo Tabib Nazar
dukhe dilon pe jo paD jae wo tabib nazar
to bagh-e-dil mein bhi aa jaen andalib nazar
har ek subh wazu karti hain meri aankhen
ki shayad aaj to aa jae wo habib nazar
isi tarah se rah-e-yar ko take jaana
had-e-nazar ko gira degi an-qarib nazar
tu intizar se chhuT kar hai KHush magar mujh ko
ghaDi judai ki aane lagi qarib nazar
bujha do sham-e-mohabbat jala do gulshan-e-ishq
Dara sakegi na aashiq ko ye muhib nazar
jamal-o-husn ke qael hain us ke sab 'ajmal'
bas ek tum hi yahan rakhte ho ajib nazar
Ajmal Siddiqi 
(907) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544