SheKH Ne Naqus Ke Sur Mein Jo KHud Hi Tan Li
sheKH ne naqus ke sur mein jo KHud hi tan li
phir to yaron ne bhajan gane ki khul kar Than li
muddaton qaim rahengi ab dilon mein garmiyan
main ne photo le liya us ne nazar pahchan li
ro rahe hain dost meri lash par be-iKHtiyar
ye nahin daryaft karte kis ne is ki jaan li
main to engine ki gale-bazi ka qail ho gaya
rah gae naghme hudi-KHwanon ke aisi tan li
hazrat-e-'akbar' ke istiqlal ka hun mo'tarif
ta-ba-marg us par rahe qaim jo dil mein Than li
Akbar Allahabadi 
(921) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544