Jab Subh Ki Dahliz Pe Bazar Lagega
jab subh ki dahliz pe bazar lagega
har manzar-e-shab KHwab ki diwar lagega
pal bhar mein bikhar jaenge yaadon ke zaKHire
jab zehn pe ek sang-e-giran-bar lagega
gundhe hain nai shab ne sitaron ke nae haar
kab ghar mera aaina-e-anwar lagega
gar sail-e-KHurafat mein bah jaen ye aankhen
har harf-e-yaqin kalma-e-inkar lagega
haalat na badle to tamanna ki zamin par
TuTi hui ummidon ka ambar lagega
khilte rahe gar phul lahu mein yunhi 'akbar'
har fasl mein dil apna saman-zar lagega
Akbar Hyderabadi 
(931) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544