Ye Kaun Meri Tishnagi BaDha BaDha Ke Chal Diya
ye kaun meri tishnagi baDha baDha ke chal diya
ki lau charagh-e-dard ki baDha baDha ke chal diya
ye mera dil hi jaanta hai kitna sang-dil hai wo
ki mujh se apni dosti baDha baDha ke chal diya
bichhaD ke us se zindagi wabaal-e-jaan ho gai
wo dil mein shauq-e-KHud-kushi baDha baDha ke chal diya
karun to ab main kis se apni wusat-e-nazar ki baat
wo mujh mein hiss-e-agahi baDha baDha ke chal diya
na did ki umid ab na lutf-e-naghma-e-visal
ki lai wo saz-e-hijr ki baDha baDha ke chal diya
wo aaya 'akbar' is ada se aaj mere samne
ki ek jhalak si KHwab ki dikha dikha ke chal diya
Akbar Hyderabadi 
(967) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544