Zindan-e-subh-o-sham Mein Tu Bhi Hai Main Bhi Hun
zindan-e-subh-o-sham mein tu bhi hai main bhi hun
ek gardish-e-mudam mein tu bhi hai main bhi hun
be-farsh-o-baam silsila-e-kaenat ke
is be-sutun nizam mein tu bhi hai main bhi hun
be-sal-o-sin zamanon mein phaile hue hain hum
be-rang-o-nasl nam mein tu bhi hai main bhi hun
is daimi hisar mein hum ko mafar kahan
zarron ke azhdaham mein tu bhi hai main bhi hun
har tirah-fam subh ka wirsa hai mushtarak
har nur-dida sham mein tu bhi hai main bhi hun
Akbar Hyderabadi 
(1626) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544