Din Muradon Ke Aish Ki Raaten
din muradon ke aish ki raaten
hae kya ho gain wo barsaten
raat ko bagh mein mulaqaten
yaad hain jaise KHwab ki baaten
hasraten sard aahen garm aansu
lai hai barshgal saughaten
KHwar hain yun mere shabab ke din
jaise jaDon ki chandni raaten
dil ye kahta hai kunj-e-rahat hun
dekhna gham-nasib ki baaten
jin ke dam se shabab tha zinda
hae 'aKHtar' wo ishq ki ghaten
Akhtar Ansari 
(779) Peoples Rate This