Saf Zahir Hai Nigahon Se Ki Hum Marte Hain
saf zahir hai nigahon se ki hum marte hain
munh se kahte hue ye baat magar Darte hain
ek taswir-e-mohabbat hai jawani goya
jis mein rangon ke ewaz KHun-e-jigar bharte hain
ishrat-e-rafta ne ja kar na kiya yaad hamein
ishrat-e-rafta ko hum yaad kiya karte hain
aasman se kabhi dekhi na gai apni KHushi
ab ye haalat hai ki hum hanste hue Darte hain
sher kahte ho bahut KHub tum 'aKHtar' lekin
achchhe shair ye suna hai ki jawan marte hain
Akhtar Ansari 
(790) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544