Sarshaar Hun Chhalakte Hue Jam Ki Qasam
sarshaar hun chhalakte hue jam ki qasam
mast-e-sharab-e-shauq hun KHayyam ki qasam
ishrat-farosh tha mera guzra hua shabab
kahta hun kha ke ishrat-e-ayyam ki qasam
hoti thi subh-e-id meri subh par nisar
khati thi sham-e-aish meri sham ki qasam
'aKHtar' mazaq-e-dard ka mara hua hun main
khate hain ahl-e-dard mere nam ki qasam
Akhtar Ansari 
(756) Peoples Rate This