Masjid-o-mandir Ka Yun JhagDa MiTana Chahiye
masjid-o-mandir ka yun jhagDa miTana chahiye
is zamin par pyar ka ek ghar banana chahiye
mazhabon mein kya likha hai ye batana chahiye
us ko gita aur use quran paDhana chahiye
wo diwali ho ke baisakhi ho christmas ho ke id
mulk ki har qaum ko mil kar manana chahiye
dosto is se baDi koi ibaadat hi nahin
aadmi ko aadmi ke kaam aana chahiye
kaun se mazhab mein likkha hai ki nafrat dharm hai
mil ke is duniya se nafrat ko miTana chahiye
chahte hai jo kai TukDon mein is ko banTana
aise ghaddaron se bhaarat ko bachana chahiye
Akhtar Azad 
(3553) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544