Yun KHud Ko KHwahishat Ke Akasr Dikhae Rang

yun KHud ko KHwahishat ke akasr dikhae rang

holi mein jaise koi akele uDae rang

dil se bhula ke zehn ki viraniyon ka gham

diwar-o-dar pe sab ne hain kya kya sajae rang

taswir jo banai hai apnon ke waste

Dar hai ki us mein log na DhunDen parae rang

tohfe main dun kisi ko ye hasrat hi rah gai

muddat se chuTkiyon mein hun main bhi dabae rang

rangini-e-hayat ne us se wafa na ki

jis ne meri nigah mein aKHtar basae rang