Dil Mein Ek Jazba-e-bedad-o-jafa Hi Hoga
dil mein ek jazba-e-bedad-o-jafa hi hoga
wo KHuda-wand bhi hoga to KHuda hi hoga
gard si uDti nazar aati hai aandhi hogi
dur tak naqsh-e-qadam hain koi rahi hoga
hum se jo puchhna hai puchh lo warna kal tak
kis ko andaza-e-na-karda-gunahi hoga
kahin girti hui diwaren kahin jhukti chhaten
aap kahte hain to ye qasr-e-wafa hi hoga
phul se taraste hue log KHarabon mein kahan
dasht-e-wahshat mein koi aabla-pa hi hoga
jate jate mere darwaze ke paT khol gai
ye bhi 'aKHtar' koi andaz-e-saba hi hoga
Akhtar Hoshiyarpuri 
(724) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544