Tum Ho Ya ChheDti Hai Yaad-e-sahar Koi To Hai
tum ho ya chheDti hai yaad-e-sahar koi to hai
khaTkhaTata hai jo ye KHwab ka dar koi to hai
dil pe paDti hui duzdida-nazar koi to hai
jis taraf dekh raha hun main udhar koi to hai
aise nadan nahin raaton mein bhaTakne wale
jagti aankhon mein KHurshid-e-sahar koi to hai
KHud-baKHud hath gareban ki taraf uThte hain
sarsaraati si hawaon mein KHabar koi to hai
kis ka munh dekh rahi hai safar-amada hayat
su-e-maqtal hi sahi rahguzar koi to hai
tu mujhe dekh mere panw ke chhaalon pe na ja
zindagi tere liye KHak-basar koi to hai
din kaTa sara KHarabon mein bhaTakte 'aKHtar'
sham hoti hai chalo KHair se ghar koi to hai
Akhtar Saeed Khan 
(787) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544