Un Ko Bulaen Aur Wo Na Aaen To Kya Karen

un ko bulaen aur wo na aaen to kya karen

bekar jaen apni duaen to kya karen

ek zohara-wash hai aankh ke pardon mein jalwagar

nazron mein aasman na samaen to kya karen

mana ki sab ke samne milne se hai hijab

lekin wo KHwab mein bhi na aaen to kya karen

hum lakh qasmen khaen na milne ki sab ghalat

wo dur hi se dil ko lubhaen to kya karen

bad-qismaton ka yaad na karne pe hai ye haal

allah agar wo yaad hi aaen to kya karen

naseh hamari tauba mein kuchh shak nahin magar

shana hilaen aa ke ghaTaen to kya karen

mai-KHana dur rasta tarik hum mariz

munh pher den udhar jo hawaen to kya karen

raaton ke dil mein yaad basaen kisi ki hum

'aKHtar' haram mein wo na bulaen to kya karen

(960) Peoples Rate This

Your Thoughts and Comments

Un Ko Bulaen Aur Wo Na Aaen To Kya Karen In English By Famous Poet Akhtar Shirani. Un Ko Bulaen Aur Wo Na Aaen To Kya Karen is written by Akhtar Shirani. Read famous Poem Un Ko Bulaen Aur Wo Na Aaen To Kya Karen for youth and Student by Akhtar Shirani. Free Download Un Ko Bulaen Aur Wo Na Aaen To Kya Karen in PDF.