Uski Chah Mein Nam Nahin Aane Wala
us ki chah mein nam nahin aane wala
ab mera anjam nahin aane wala
husn se kaam paDa hai aaKHiri sanson mein
aur wo kisi ke kaam nahin aane wala
meri sada par wo nazdik to aaega
lekin zer-e-dam nahin aane wala
ek jhalak se pyas ka rog baDhega aur
is se mujhe aaram nahin aane wala
ishq ke nam pe tera rang na badle yar
tujh par kuchh ilzam nahin aane wala
kaam ko baiThe hain aur sar par aai sham
lagta hai ab kaam nahin aane wala
kyun be-kar us shaKHs ka rasta dekhte ho
wo to 'shumar' is sham nahin aane wala
Akhtar Shumar 
(1419) Peoples Rate This
Fatal error: Uncaught PDOException: SQLSTATE[42S22]: Column not found: 1054 Unknown column 'id' in 'ORDER BY' in /home/darsaal/htdocs/darsaal.com/poetry/poem_en.php:544 Stack trace: #0 /home/darsaal/htdocs/darsaal.com/poetry/poem_en.php(544): PDOStatement->execute() #1 {main} thrown in /home/darsaal/htdocs/darsaal.com/poetry/poem_en.php on line 544